«Асабіста для мяне, савецкая эпоха, гэта час калі Беларусь ня была незалежнай дзяржавай».
У гэтыя сьнежаньскія дні 1991 года ва ўрадавай рэзыдэнцыі «Віскулі», што месьціцца ў Белавескай пушчы, быў канчаткова зафіксаваны факт распаду Савецкага Саюзу.
8 сьнежня ў Віскулях былі падпісаныя «Белавескія пагадненьні» – на руінах «Імпэрыі зла» паўстала Садружнасьць Незалежных Дзяржаў. Беларускі палітоляг Андрэй Ляховіч тлумачыць, што асабіста для яго значыла знаходжаньне Беларусі ў складзе СССР.
Андрэй Ляховіч: Для мяне гэта адназначная акупацыя. Васіль Быкаў калісь казаў, што па выніках ІІ Сусьветнай вайны вызначаўся толькі колер кашары, у якую трапіць Беларусь. Чырвоны – гэта Савецкі Саюз, а карычневы – нацысцкая Нямеччына.
Асабіста для мяне, савецкая эпоха, гэта час калі Беларусь ня была незалежнай дзяржавай. Рашэньні прымаліся ня ў Менску, яны прымаліся ў Маскве насуперак беларускім нацыянальным інтарэсам.
Поўную гутарку з палітолягам Андрэем Ляхавічам, на тэму савецкай спадчыны, слухайце тут
Эдуард Жолуд
Польскае Радыё