25 лістапада адбылася апошняя сустрэча ў 2017 годзе паэтычнага клубу “БД. Андэграўнд“. Сезон закрылі верашамі Аліны Шафікавай “Дзяўчыны з Чалябінска”.
У гэтых радках схаваны гісторыі людзей, якія зараз ужо ніколі не сатруцца з памяці, бо яны назаўжды ахінутыя коўдрай метафар, параўнанняў і эпітэтаў. З прыадчыненай скрыначкі душы выйдуць вонкі выявы тыя, што прыехалі з самага Урала, а таксама іншыя, што далучыліся да гэтай разнашэрснай кампаніі ў Варшаве.
Калі Вы хочаце пазнаёміцца з гэтымі гісторыямі і ўбачыць за заслонай моўнай гульні персанажаў, то гэты вечар менавіта для Вас. Магчыма, Вы пачуеце знаёмыя матывы і яны навеюць Вам свае ўласныя ўспаміны, перажыванні.
Да сустрэчы ў Новым годзе!