Сябры, мінулі два месяцы нашых сьпевак.
Спадзяюся, мы чамусьці навучыліся, ведаю – што цудоўна бавілі час.
Песень шмат, але і нас нямала, і ўсё ў нас наперадзе, таму – абвяшчаючы перапынак да другой паловы жніўня, вельмі спадзяюся на будучыя сустрэчы і на ўсё больш стройныя галасы, якія хутка зьліюцца ў якасны варшаўскі хор.
Сачыце за суполкай, і, як толькі пачнем, прыходзьце, прыводзьце сяброў, прыносьце інструменты. Вітаецца ўсё абсалютна!
Пастараемся таксама, каб нашыя сустрэчы наведвала ня толькі Наста Някрасава, якая абяцае трымаць прафесійную апеку над нашымі Сьпеўкамі, але і іншыя вядомыя і любімыя музыкі.
Добрага ўсім лецейка!
