Таварыства Беларускай Культуры ў Летуве праводзіць 7 лістапада ў Вільні шэраг беларускіх мерапрыемстваў.
У 12.00 на Эўфрасіньнеўскіх могілках з удзелам Зянона Пазьняка адбудзецца адкрыцьцё адноўленага помніка на магіле Аляксея Арсеньнева – бацькі вялікай беларускай паэтэсы Натальлі Арсеньневай.
Помнік будзе асьвечаны айцом Леванідам Акаловічам.
Месца: вул. Лепкальнё 19. Эўфрасіньнеўскія могілк, Вільня.
Збор каля царквы на тэрыторыі могілак у 12.00. (Даезд ад вакзала аўтобусамі № 12, 16, 19).
У 14.00 адбудзецца сустрэча Зянона Пазьняка з грамадзкасьцю і прэзэнтацыя яго новых выданьняў на беларускай і польскай мове.
Месца сустрэчы: вул. Раўгіклас 25, Вільня (Дом нацыянальных меншасьцяў).
Шчыра запрашаем!
Прэс-служба Беларускага Дому (Варшава)