Beta

Дзень Роднай Мовы з Валярынай Куставай

02.14.2018

Дзень Роднай Мовы20 лютага а 19:00 гадзіне запрашаем беларусаў Польшчы і перадусім Варшавы, а таксама ўсіх неабыякавых да беларушчыны і беларускай мовы

Выказаць сваю неабыякавасць, падтрымаць традыцыю, салідарызавацца з Беларуссю – і напісаць Нацыянальную дыктоўку разам, паводле аднаго са знакавых тэкстаў БНР!

Так сімвалічна мы распачынае святкаванне 100-годдзя Беларускай Народнай Рэспублікі.

Адмысловы госць імпрэзы – сябра Рады БНР, віцэ-дырэктар “Белсату” АЛЯКСЕЙ ДЗІКАВІЦКІ выступіць са святочнай прамовай і прадставіць тэкст Нацыянальнай Дыктоўкі.

Вядоўца імпрэзы – літаратарка, паэт, аўтарка праграмы “Прыват” ВАЛЯРЫНА КУСТАВА.

Сэнс і прыгажосць дзеі перадусім у тым, каб зрабіць гэта разам, незалежна ад таго, будуць памылкі ў вас ці не 
Здзейснім акт салідарызацыі з галоўнымі дэмакратычнымі прынцыпамі БНР разам, падтрымаем нашу Мову!

Хто зробіць найменшую колькасць памылак – будзе ўзнанароджаны.

Таксама ў праграме віктарына і конкурсы на веданне беларускай мовы і фактаў з гісторыі БНР! Самых кемлівых чакаюць прызы!

У тым ліку пераможцы атрымаюць унікальнае выданне – том раней ніколі не публікаваных сцэнароў да фільмаў класіка беларускай літаратуры УЛАДЗІМІРА КАРАТКЕВІЧА, напісаных ім: з экранізаваных – “Хрыстос прызямліўся ў Гародні”, “Дзікае паляванне караля Стаха”, “Чорны замак Альшанскі”. Зусім невядомыя – “Гнеўнае сонца” і “Апавяданні з каталажкі”! (тэксты і каментары да выдання падрыхтаваныя Валярынай Куставай).

А калі ты хочаш выйграць сапраўдны беларускі сцяг – табе дакладна да нас!

Напрыканцы ўсіх прысутных чакае святочны пачастунак.

Дзяліцеся імпрэзай! Запрашайце сяброў! Адсвяткуем разам!

Jak pojechać do Białorusi
Czytać więcej na ten temat