Запрашаем 12 лістапада, аўторак, а 19:30 у Беларускі Дом у Варшаве, дзе адбудзецца прэзентацыя кнігі📚 Сяргея Пясецкага “Запіскі афіцэра Чырвонай Арміі (ад 17 верасьня 1939 г.)”.
Падчас прэзентацыі будуць прадстаўленыя:
📖 фрагменты з кнігі
🎞 урыўкі з фільмаў пра Сяргея Пясецкага
💬 расповед пра аўтара ад Вольгі Гарадзейчык
🎸 міні-канцэрт Kasia Kamockaja
Гэты твор раней успрымалі як «збор анекдотаў», што распавядалі па ўсёй Эўропе падчас Другой сусьветнай вайны пра чырвонармейцаў. А гэта — дакумент, актуальны сёньня — роўна праз 80 гадоў!
Што адбылося 17 верасьня 1939-га – аб’яднаньне Заходняй і Ўсходняй Беларусі, пачатак Другой Сусьветнай вайны, вызваленьне ці акупацыя? Кніга, якая не адкажа на гэтыя пытаньні, але хаця б прымусіць нас узгадаць, асэнсаваць тое, што адбылося тады, і падумаць, што адбываецца з намі зараз.
Уваход вольны.
Сардэчна запрашаем!
(Асобы, якія ўдзельнічаюць у мерапрыемстве, аўтаматычна згаджаюцца на выкарыстанне арганізатарам сваёй выявы на фотаздымках, зробленых падчас мерапрыемства для рэкламы дзейнасці Беларускага Дома)