24 сакавіка ў варшаўскім клубе «Przestrzeń Prywatna» адбудзецца канцэрт беларускага рок-гурта AKUTE.
Гурт быў створаны ў 2008 годзе былымі ўдзельнікамі малілёўскага альтэрнатыўнага гурта «Глюкі» Стасам Мытнікам і Раманам Жыгаровым.
Упершыню заявілі аб сабе Akute на магілёўскім фестывалі «Приход» ў 2009 годзе. А далей папулярнасць гурта проста панеслася ў музычны прастор Беларусі з песней «Адзіноцтва».
2010 год стаў дзя музыкаў вельмі багаты на ўдзел у фестывалях: Be2gether (Літва), гран-пры на фестывалі «Басовішча», «Вертифест» (Кіеў) і 2-е месц на Мінскім фестывалі «Graffiti Open Music Fest».
Ў чэрвені 2011 года выходзіць дэбютны альбом «Дзевачкі і космас», менавіта з гэтым альбомам гурт атрымаў, бадай, самую значную ўзнагароду для дэбютанта – «Рок-прарыў года».
Другі альбом аматары Akute чакалі не доўга, ўжо ў 2012 годзе выйшаў «Nie Isnuje».
Яшчэ адной істотнай падзеяй для музыкаў у 2012 годзе стаў іх удзел у канцжрце сусветна знакамітага гурта PLACEBO, музыкі якого з усіх прапанаваных беларускіх гуртоў, дзя разагрэва публікі выбралі менавіта Akute.
Напрыканцы 2012 гурт стаў лепшым гуртом года паводле Tuzin.fm і атрымалі ўзнагароду «Героі года».
На сення гурт з’яўляецца адным з папулярных беларускамоўных гуртоў Беларусі, які выпусціў пяць альбомаў за 6 год існавання.
Пачатак: а 20:00
Адрас: ul. Emilii Plater 9/11
фота budzma.by