4 жніўня – год з дня арышта Алеся Бяляцкага, беларускага праваабаронцы, якога за ягоную дзейнаць намініравалі на Нобелеўскую прэмію міра. Улады Беларусі асудзілі Бяляцкага на 4,5 года калоніі ўзмоцненага рэжыму. Гэты прысуд быў прызнаны шырокай гармадскасцю палітычна матываваным; міжнародная супольнасць, палітыкі і праваабаронцы адназначна яго асудзілі.
Давайце ўспомнім пра Алеся і іншых беларускіх палітычных вязняў. Цягам жніўня на станцыі метро “Свентакшыска” ў Варшаве можна будзе азнаёміцца з выставай, прысвечанай сучаснай Беларусі і Алесю Бяляцкаму.
Арганізатары: Беларускі інфармацыйны дом і Ўсходнееўрапейскі дэмакратычны цэнтр.
Партнёр: Хельсінкскі Фонд правоў чалавека
Спонсар: Фонд “Адкрытае грамадства”