3
Жні

2018

«Месца Беларусі ў Еўропе» – летняя школа Руху «За Свабоду» прайшла ў Варшаве пры арганізацыйнай падтрымцы Беларускага Дома.

Сёлета школа Руху «За Свабоду» адбылася ў Варшаве. «Беларускі Дом» арганізаваў польскую частку праграмы і мерапрыемствы для беларускай моладзі. У гэтым годзе летняя школа прайшла пад назвай «Месца Беларусі ў Еўропе» і, нягледзячы на варшаўскую спёку, мела вельмі насычаную і актыўную праграму ад світанку да заходу.

Прадстаўнікі беларускай моладзі мелі ўнікальную магчымасць наведаць Міністэрства навукі і вышэйшай адукацыі Польшчы, рэдакцыю Белсата, Амбасаду Каралеўства Нідэрландаў, сустрэліся з Адамам Ліпіньскім – міністрам канцэлярыі прэмьера Польшчы, паўнамоцным прадстаўніком Урада па справах грамадзянскай супольнасьці і пытаннях раўнапраўя, намеснікам старшыні Парламенцкай групы польскага Сейму па Беларусі, наведалі прадстаўніцтва Еўрапейскай камісіі ў Польшчы, а таксама Сейм і Сенат Польшчы, дзе задалі шэраг цікавых пытанняў спікеру Сенату Польшчы Станіславу Карчэўскаму і абмеркавалі еўрапейскія перспектывы Беларусі.  

Processed with VSCO with c1 preset

Processed with VSCO with c1 preset

Асобую ўвагу ўдзельнікаў школы Руху «За Свабоду» прыцягнулі сустрэчы з польскай моладдзю якая актыўна займаецца палітыкай у рамках двух супрацьлеглых моладзевых арганізацый «Форум моладзі» урадавай партыі Закон і Справядлівасць і  «Маладыя дэмакраты» якія асацыююцца з апазіцыйнай партыяй Грамадзянская Платформа. Сустрэча ў гэтых грамадска-пралітычных аб’яднаннях адбыліся ў адзін дзень, што дазволіла прадстаўнікам беларускай моладзі даведацца, чым адрозніваюцца погляды іх польскіх аднагодкаў, з адного боку, тых якія падтрымліваюсць кіруючую партыю, а з другога тых, хто мае апазіцыйныя погляды на рэчаіснасць.

Processed with VSCO with c1 preset

 

Шмат новага беларусы таксама даведаліся пра грамадзянскі бюджэт на прыкладзе варшаўскага раёну Беляны падчас сустрэчы са намеснікам бурмістра раёну Беляны сп. Магдаленай Лерчак і Сільвіяй Лацэк – каардынатар па справах грамадзянскага бюджэту раёну Беляны, якія расказалі, як вылядае Варшаўскае раённае самакіраванне, як яго жыхары могуць зрэалізаваць свае грамадскія праэкты для паляпшэння камфорту жыцця жыхароў і  інфраструктуры раёну і гораду за кошт раённага бюжэту.

be3c0954-8c4b-43b5-8570-ce9344f9d3c8

Трэба адзначыць, што сёлета група была асабліва цікаўная і актыўная  і на кожнай сустрэчы не адпускалі прадстаўнікоў польскай улады, установаў, інстытутаў ці моладзевых грамадскіх арганізацый Польшчы, пакуль не пачулі адазы на ўсе свае пытанні.

Processed with VSCO with c1 preset

Уражанні ўдзельнікаў ад летняй школы Руху «За Свабоду» наступныя:

«Неабходна адзначыць, што галоўная мэта Школы – не толькі інфармаваць яе ўдзельнікаў і ўдзельніц аб асноўных трэндах сусветнай геапалітыкі праз прызму Беларусі, але і натхніць на далейшыя дзеянні і праекты, якія паспрыяюць развіццю Беларусі як самастойнага суб’екта сусветнай палітычнай арэны»

Павал

«Уражанні ад школы вельмі пазітыўныя. Па-першае, само існаванне “Руху” і “Беларускага дому” – гэта прыемнае адкрыццё. Па-другое, не можа не ўражваць узровень арганізацыі і грунтоўнасць да падыходу, імкненне ахапіць як мага больш, прычым так, каб якасць не саступала колькасці. Па-трэцяе, атмасфера. Мне падаецца, ёсць нешта ў тым, каб рабіць такія школы выязднымі: гэта файная магчымасць не таўкці ваду ў беларускім балотцы, а глянуць на яго збоку, зверху ці яшчэ пад-якім небудзь цікавым ракурсам. Так ёсць шанс заўважыць тое, чаго мы не бачым, калі знаходзімся ўнутры»

Крысціна

«Праграма вельмі цікавая і насычаная, за што шчыры дзякуй арганізатарам. Змены ў Беларусі няўхільныя, а для іх трэба быць падрыхтаванымі. Паглядзець “як там справы ў суседа” было вельмі цікава. Здзівіла тое, як улады могуць быць адкрытымі з людзьмі, сваімі выбаршчыкамі. Дзякуй за цікавы досвед, толькі нашымі  агульнымі сіламі мы зробім з “астраўка стабільнасці” краіну нашых мараў»

Міхась

«Вельмі ўдзячна лёсу і арганізатарам за такі незвычайны і насычаны тыдзень! Дзякуючы школе атрымала веды і досвед, які б ніколі не атрымала самастойна – пабачыла сістэму кіравання Польшчы, пазнаёмілася з рознымі поглядамі палітычных партый, больш даведалася пра сучаснае становішча Польшчы знутры, і самае галоўнае, што кожны ўдзельнік меў права выказацца і атрымаць адказы на самыя “некамфортныя” пытанні. Ужо адчуваю, што ўдзел у школе дасць свой штуршок, каб працягваць вучыцца, здзяйсняць смелыя мары, спрабаваць паляпшаць жыццё Беларусі і неяк ўплываць на перамены. Вялікі дзякуй Руху “За Свабоду!” і “Беларускаму дому” за новыя магчымасці!»

Анастасія

«Гэты тыдзень быў адным з самым насычаным за усё лета, столькі інфармацыі і сустрэч напэўна было магчыма атрымаць за месяц. Вельмі хочацца падзякаваць арганізатарам за такую добра праведзеную школу, ад якой хоць усё мы напэўна звярнуліся вельмі стэмленнымі, но зате з цэлый багажом эмоцый. Больш за усё канешне спадабалася разнастайнасць праграммы: ад сустрэчы з польскімі чыноўнікамі розных рангу, да вячэр у рэстарацыях грузінскай кухні, гэта было нечакана. Вялікі дзякуй усім хто меў дачыненні да гэтага праекта: “Беларускаму дому”, “Руху за свабоду”, удзельнікам. Было вельмі файна! Дзякуй!»

Кірыл

“Школа была вельмі карыснай, а ўражанні выключна пазітыўныя! Насычанасць праграмы дала магчымасць падрабязна пазнаёміцца з сітуацый у польскай палітыцы і даведацца пра становішча грамадзянскай супольнасці. Сустрэчы з польскімі чыноўнікам, наведванне міністэрстваў, візіт у амбасаду Нідэрландаў сталіся надзвычай цікавымі мерапрыемствамі, каторыя паказалі як працуюць дзяржаўныя органы ў розных сферах жыцця грамадства. Зразумела, што адразу параўноўваеш з беларускай сітуацыяй: бязглуздымі рашэннямі чынавенства, неразуменнем як і куды павінна рухацца краіна. Знаёмства з “Беларускім Домам” для мяне таксама сталася прыемным адкрыццём і важнымі кантактамі”

Олек

“Нягледзячы на культурную блізкасць (ды і гістарычную), Польшча і Беларусь – гэта на дадзены момант дзве ледзь не палярныя краіны. Перакананне гэтае прыйшло праз уласны досвед, дзякуючы Летніку Руху за Свабоду – абсалютна ўнікальнай падзеі ў маім жыцці. Чым жа здзівіла Варшава? На вуліцы мы за ўвесь час толькі адзін раз пабачылі міліцыянтаў (якія называюцца неяк па-іншаму). Тое адчуванне, калі такая асоба, як спікер Сенату Польшчы жартуе і ўсміхаецца простым студэнтам з Беларусі. Паспрабуйце ўявіць аднаго з “шэрых касцюмаў” па тэлебачанню з сяброўскай усмешкай на твары. Занепакоенасць экалагічнай сітуацыяй. І гэта тычыцца ўсіх: ад партый да простых людзёў на вуліцы, якія карыстаюцца роварам і носяць экаторбы. Але самае важнае і няпростае адкрыццё: Беларусь – аўтарытарная дзяржава. Не “ўнітарная дэмакратычная сацыяльная прававая дзяржава”, а менавітааўтарытарная. І самае страшнае – гэта тое, што людзі баяцца. І баяцца моцна. Гэта наша вечнае “мая хата з краю”. Як перавыхаваць народ? Відаць, паказаць, што такое змены і чаго яны нам каштуюць. Паказаць, што недзе там, у краіне, куды беларусы ездзяць на закупы, ёсць таямнічая рэч – “свабода слова” – і людзі не саромеюцца ёй карыстацца. Дзякуй усім удзельнікам за магчымасць пабыць у асяродку незвычайна таленавітых і разумных людзёў, якія будуць змяняць (і ўжо змяняюць) гэту краіну!”

Вераніка

Летняя школа для беларускай моладзі адбылася ў Варшаве 25-30 ліпеня, арганізатары школы Рух «За Свабоду» і «Беларускі Дом», пры фінансавай падтрымцы Міжнароднага фонду Салідарнасці.

Processed with VSCO with c1 preset

8
Чэр

2018

Набор на моладзевы праэкт у Літве!

“Беларускі Дом” аб’яўляе набор на праект “РАЗВІЦЦЁ МОЛАДЗЕВАЙ ПРАЦЫ І ДОСТУПУ МОЛАДЗІ ДА ПРАВОЎ І ІНФАРМАЦЫІ” пры падтрымцы The Council of Europe і European Youth Foundation, які пройдзе ў Паланзе (Літва) 10 – 15 верасня 2018г. Працоўная мова праекта – руская.

Калі ты:

◦ Лічыш, што актыўны ўдзел моладзі ў жыцці грамадства мае важнае значэнне?
◦ Верыш, што моладзь павінна мець доступ да сваіх правоў і да інфармацыі, ведаць пра свае магчымасці?
◦ Ведаеш, што ў кожнай краіне ёсць групы моладзі, якім больш складана атрымаць доступ да інфармацыі, актыўна ўдзельнічаць і развіваць свой патэнцыял?
◦ Лічыш, што моладзевыя арганізацыі адыгрываюць важную ролю ў развіцці актыўнага ўдзелу моладзі і забеспячэнні яе неабходнай інфармацыяй?
◦ Ты працуеш з моладдзю, хочаш удасканальваць свае навыкі і дапамагаць іншым?

Калі на гэтыя пытанні ты адказваеш “Так”, то запрашаем цябе ўдзельнічаць у праекце “Развіццё моладзевай працы і доступу моладзі да правоў і інфармацыі”

Мэта праекту

◦ Мэтай праекту з’яўляецца развіццё моладзевай працы і паляпшэнне доступу да правоў і інфармацыі моладзі, у тым ліку з недастаткова прадстаўленых груп: этнічных меншасцяў, мігрантаў, моладзі з аддаленых рэгіёнаў і сельскіх раёнаў, моладзі, якая знаходзіцца ў неспрыяльным эканамічным становішчы і інш.

Задачы праекту:

  • падрыхтаваць моладзевых работнікаў і развіць іх навыкі і кампетэнцыі ў такіх галінах, як моладзевая праца, моладзевая інфармацыя, адукацыя ў галіне правоў чалавека, распрацоўка праектаў; матываваць іх і даць магчымасць дзейнічаць у якасці мультыплікатараў;
  • палепшыць доступ моладзі да інфармацыі, даць неабходныя дакументы, матэрыялы і інфармацыю;
  • арганізаваць мерапрыемствы на мясцовым узроўні для прадастаўлення інфармацыі, навучання, і падтрымкі моладзевым работнікам і моладзі, асабліва з недастаткова прадстаўленых груп;

Вынік праекту

  • На рэгіянальных семінарах будуць абмеркаваны і распрацаваны мясцовыя мерапрыемствы для развіцця моладзевай працы і доступу моладзі да правоў і інфармацыі

Умовы ўдзелу:

Удзел у семінары бясплатны
◦ Арганізацыя пакрывае выдаткі на ежу і пражыванне

◦ Арганізацыя вяртае вам выдаткі на даезд да месца правядзення праэкту

◦ Перад тым, як набываць квіток, дачакайцеся пацверджання вашага ўдзелу ад арганізатараў

Калі ты дачытаў да канца і

◦ Бярэш на сябе адказнасць аб правядзенні мерапрыемства на лакальным узроўні

◦ Працуеш з моладдзю
◦ з’яўляемшся прадстаўніком нацыянальнай меншасці

◦ Табе 18 -30 гадоў

То запаўняй заяўку да 20 чэрвеня! 

Ў выпадку пытанняў, просім звяртацца па адрасе: dombelaruski@gmail.com

9
Тра

2018

Сустрэча з Аляксандрам Тамковічам

Мазаіка жыццяБеларускі Дом запрашае на прэзентацыю кнігі Аляксандра Тамковіча «Мазаіка жыцця»!

На старонках кнігі пра свой жыццёвы шлях расказваюць: 

Святлана Алексіевіч, Алена Анісім, Алесь Аркуш, Зміцер Вайцюшкевіч, Ігар Варашкевіч, Сяргей Вераціла, Наталля Гардзіенка, Адам Глобус, Таццяна Грыневіч, Генадзь Драздоў, Ірына Дубянецкая , Максім Жбанкоў, Кася Камоцкая, Алесь Камоцкі, Іван Кірчук, Артур Клінаў, Андрэй Кудзіненка , Андрэй Курэйчык, Гэнік Лойка, Віктар Марціновіч, Дзмітрый Падбярэзскі, Алесь Пашкевіч, Алесь Пушкін, Барыс Пятровіч, Анатоль Тарас, Андрэй Хадановіч, Алег Хаменка, Сяргей Харэўскі, Юлія Чарняўская, Васіль Шаранговіч, Віктар Шалкевіч.

Мастацкія біяграфічныя аповеды праілюстраваныя ўнікальнымі фота (звыш за 400) з сямейных альбомаў. «Мазаіка жыцця» — кніга, якая складаецца з біяграфічных артыкулаў, зробленых у розныя часы і ў розным фармаце. Аб’яднала іх жаданне герояў дасягнуць у сваіх сферах пэўных вяршыняў, іх працаздольнасць і непакорнасць «агульнай плыні». «Мазаіка жыцця» — незвычайная энцыклапедыя, бо зроблена не толькі з фактаў, але і з пачуццяў…

“МАЗАИКА ЖЫЦЦЯ” — ПРАЦЯГ “НАЙНОЎШАЙ ГІСТОРЫІ Ў АСОБАХ”!

Чакаем Вас 14 траўня ў 18.30 у Беларускім Доме (ul. Wiejska 13/3)

1
Тра

2018

Андрусь Горват у Варшаве

Aндурсь Горват11 траўня а 19:00 ў Беларускім Доме адбудзецца сустрэча з беларускім пісьменьнікам Андрусём Горватам. 

Поўгады таму Андрусь вярнуўся з вандроўкі па Эўропе з валізкай уражанняў: якія мы, беларусы за мяжой, ці падобныя беларусы Швайцарыі і Аўстрыі да варшаўскіх і берлінскіх? А ці моцна мы адрозніваемся ад землякоў у краіне? І калі так, то чым?
І што такое таямнічае закадаваў пісьменнік у сваёй кнізе “Радзіва Прудок”, што яна гэтак адгукаецца нам усім?
Кніга пра вяртанне на малую радзіму і пошукі каранёў стала абсалютным бэстсэлерам апошніх гадоў, вытрывала пяць выданняў, 16 траўня у Нацыянальным Акадэмічным тэатры імя Я. Купалы ў Менску адбудзецца прэм’ера спектаклю паводле “Радзіва”.
Андрусь Горват нарадзіўся ў Калінкавічах, дарастаў у Петрыкаве, жыве ў Прудку.
Журналіст, які, атрымаўшы ў Менску адукацыю і досвед гарадзкога жыцця (ён працаваў і рэдактарам, і тэатральным дворнікам), вырашыў вярнуцца ў дзедаву хату, падняў яе ўласнаруч, а заадно – напісаў пра ўсё пра гэта кнігу.
Каб яе набыць, у Менску выстройваліся вялічэзныя чэргі. Блог Андруся чытае 10 тысяч чалавек, а паглядзець на Прудок і ягонага пеюна-“касманаўта” рэгулярна прыязджаюць людзі з усёй краіны і з-за мяжы.

Шчыра запрашаем!

24
Кра

2018

Беларускі танец у Беларускім Доме

tancy belarusauБеларуская этнаграфія ў Варшаве!
Самыя аўтэнтычныя танцы Беларусаў!

Мы радыя запрасіць вас на першую свайго кшталту вечарыну традыцыйных сацыяльных танцаў! Гэта – вечарына-варштат, прысьвечаная да культуры і этнаграфіі Беларусі.
чытаць

23
Кра

2018

„Трансфармацыя ў Польшчы пасля 1989 года – добрыя практыкі для новага пакалення беларусаў” – Беларускі Дом арганізаваў чарговы адукацыйны візіт беларускіх студэнтаў у Варшаву


Рэспубліка Беларусь і Рэспубліка Польшча – дзве краіны, якія звязвае шматвекавая гісторыя. На сучасным этапе супрацоўніцтва гэтых дзвюх краін адбываецца ў самых розных напрамках, у тым ліку і ў сферы адукацыі. Прыкладам такога супрацоўніцтва могуць паслужыць адукацыйныя візіты і моладзевыя абмены, падчас якіх удзельнікі знаёмяцца з гісторыяй і эканомікай, культурай і асаблівасцямі краіны, якую яны наведваюць.

Менавіта з такім візітам група студэнтаў і студэнтак беларускіх універсітэтаў наведала Варшаву з 14 па 18 красавіка 2018 года. Візіт арганізаваны пры падтрымцы Беларускага Дома ў Варшаве і «Акадэміі студэнцкага лідэрства» ад Задзіночання Беларускіх Студэнтаў. У ходзе візіту яго ўдзельнікі наведалі больш за каля 20 розных лекцый, сустрэч, экскурсій і прэзентацый.

IMG_5249

Першы дзень візіту быў прысвечаны адукацыйнай сістэме, у прыватнасці пытанням аб студэнцкім самакіраванні, якога так не хапае беларускім ВНУ. Сустрэча са старшынёй камісіі па замежных справах студэнцкага самакіравання Варшаўскай Палітэхнікі Аляксандрай Вароўня праходзіла ў сяброўскай атмасферы. Студэнты даведаліся пра паўнамоцтвы і дзейнасць самакіравання, аб яго супрацоўніцтве з адміністрацыяй ВНУ, размеркаванні бюджэту і мерапрыемствах, якімі яно займаецца. Таксама ўдзельнікі змаглі задаць усе пытанні, якія цікавяць і падзяліцца сітуацыяй у беларускіх ВНУ. Сустрэча з Кірылам Салата, якая прайшла ў Беларускім Доме, была прысвечана Студэнцкаму парламенту Польшчы, выбарам, функцыям і перспектывам узнікнення Студэнцкага парламенту ў Беларусі.
чытаць

18
Кра

2018

Art Studio Sandros набор у группу “Гарадскі скетчынг”

Запрашаем у ART Studio Sandros w Warszawie на курс “Гарадскі скетчынг”. Старт курса 13 траўня (нядзеля)
.

Курс 10 узаняткаў 1 раз на тыдзень па нядзеляхArt Studio Sandros
Гадзіны заняткаў – ад 12:00 да 13:30
Кошт курса – 300 PLN (ўсе мастацкія матэрыялы (гл. ніжей) для заняткаў дае студыя)
МесцаБеларускі Дом у Варшаве на вул. Wiejska 13/3
Калі Вы раптам прапускаеце занятак — можна будзе яго адпрацаваць з іншай групай.
Гэта не акадэмічнае маляванне.
Гэты аўтарскі курс распрацаваны для асобаў не маючых вопыту малявання і для тых, хто хоча падняць ухровень свайго майстэрства.
Гэта фантастычнае пагружэнне ў творчы працэс, пераадоленне комплекса і страху перад белым аркушам паперы, барацьба са стэрыятыпамі ў маляванні, атрымання навыкаў, якія дапамогуць развіць ўважлівасць, мастацкае бачанне свету, развіць творчае мысленне.
На курсе мы будзем маляваць каларытныя вулачкі найпрыгажэйшых гарадоў, дрэвы, мора, помнікі архітэктуры.
Будзем карыстацца лінэрамі, маркерамі, алоўкамі, вугаль, акварэль, гуаш, туш і пяро, патэль, соўс ды сангіну.
Дадаем малюнкі вучняў, якія раней зесім не малявалі.
Каб запісацца на курс — пішыце на скрынку warszawa.art.school@gmail.com
 
чытаць

18
Кра

2018

Art & Coffee вечар з Пікаса

Art & CoffeeШто такое Art & Coffee?

Гэта творчы вечар, які сумяшчае ў сабе маляванне, размовы, каву і віно. Тут няма ніякіх правілаў і няма межаў, толькі ўсёпаглынальная творчая энергія. Гэта цудоўная магчымасць не толькі адпачыць і зрэлаксаваць, але і адкрыць у сабе новыя грані, а таксама атрымаць асалоду ад размоваў пра свет мастацтва з прафесійным мастаком. Мы запрашаем да ўдзелу ўсіх жадаючых. Узровень вашага ўмення маляваць зусім ня важны. Вы можаце далучыцца, нават калі ніколі не малявалі

Што я атрымаю?

За адзін вечар вы створыце карціну, заснаваную на сусветным шэдэўры жывапісу. Кожная вечарына прысвечана творчасці пэўнага мастака: Шагала, Пікаса, Ван Гога, Малевіча… Прафесійны мастак распавядзе і дапаможа кожнаму ўдзельніку напісаць карціну, якая ўпрыгожыць ваш дом або офіс, таму выдатны вынік гарантаваны! На мерапрыемстве працуе і прафесійны фатограф, які будзе здымаць вас у працэсе і з выніковай працай

Што мы прапануем?

Добрую музыку, чароўную атмасферу творчасці, гутаркі пра мастацтва і ўсе расходныя матэрыялы (палотны, алейныя і акрылавыя фарбы, пэндзлі, алоўкі…) і напоі на ваш выбар. Таксама мы парадуем вас якаснымі фатаграфіямі з арт-вечарынкі

Кошт удзелу 100zł

Як далучыцца?

Колькасць месцаў абмежаваная, таму забраніруйце ваш візіт – напішыце нам на e-mail bd.kursy@gmail.com з указаннем вашага імя і тэмай ART & COFFEE і мы вышлем вам далейшыя інструкцыі

18
Кра

2018

Бясплатны Польскі Размоўны Клуб

Польскі Размоўны Клуб 24 красавіка а 19:30 Беларускі Дом запрашае ў бясплатны Польскі Размоўны Клуб па тэме «Здароўе» у Беларускім Доме ў Варшаве.
Што гэта такое
Гэта лекцыя польскай мовы, прысвечаная лексіцы, звязанай з нашым здароўем. (Назвы частак цела, хвароб, лекараў)
Каму будзе цікава
✔️усім, каму складана растлумачыць лекару сімптомы сваёй хваробы / хваробы дзіцяці.
✔️усім, каму складана зразумець лекара, які размаўляе па-польску.
Калі❓
Аўторак 24.04.2018 з 19.30 да 21.00.
Дзе
Warszawa, вул. Wiejska 13-3
Як запісацца на лекцыю ў клуб❓
Колькасць месцаў абмежаваная, таму абавязковы запіс праз е-мэйл bd.kursy@gmail.com
чытаць