12
Сак

2017

Дзень Волі ў Беларускім Доме

Кася Камоцкая“Мая свабода – з ветрам нязгода і асалода супрацьстаяньня…”
Самыя светлыя песьні пра волю – у дзень незалежнасьці Беларусі – у Варшаве.

Беларускі Дом вітае легенду беларускай музыкі Касю Камоцкую зь найлепшымі песьнямі свабоды.

Прыходзьце. Сьвяткуйце. Размаўляйце. Сьпявайце!

Будзьма разам у самы важны для краіны дзень, у Дзень Волі 25 сакавіка.

Шчыра запрашаем да нас 25 сакавіка а 18:00 гадзіне.

 https://www.facebook.com/events/261362097649433/

11
Сак

2017

Шэсьце на Дзень Волі ў Варшаве

Dzień Wolności Białorusi_2017

Шаноўнае спадарства, шаноўныя сябры!

25 сакавіка – Дзень Абвяшчэньня Незалежнасьці Беларускае Народнае Рэспублікі – Дзень Волі, наша галоўнае нацыянальнае сьвята! Запрашаем усіх беларусаў Варшавы, а таксама ўсіх жыхароў польскае сталіцы прыняць удзел у сьвяточным шэсьці, якое адбудзецца ў суботу 25 сакавіка. Шэсьце распачнецца ад помніка Тадэвуша Касьцюшкі (Plac Żelaznej Bramy). Потым шэсьце скіруецца вуліцамі Маршалкоўскай, Сьвентакшыскай, Новы Сьвятам і Кракаўскім прадмесьцем да помніка Адама Міцкевіча, дзе адбудзецца мітынг.
Прыходзьце самі, прыносьце нашыя нацыянальныя сымбалі, запрашайце знаёмых!
Дзень Волі – наша Сьвята!
Адзначым жа яго годна!
Жыве Беларусь!

https://www.facebook.com/events/392494484440105/

22
Лют

2017

Беларускія добраахвотнікі пасьля адмовы ў легалізацыі ва Ўкраіне атрымалі статус уцекача ў Польшчы

Два беларускія добраахвотнікі, якія ваявалі на баку Ўкраіны на Данбасе, пасьля некалькіх няўдалых спроб легалізавацца ва Ўкраіне, атрымалі статус уцекачоў у Польшчы.


чытаць

9
Лют

2017

Вернісаж праекту Алены Кахановіч “Бабулін дом”

Domek Babci

 17 лютага ў 18:00 Беларускі Дом запраше на вернісаж выставы Алены Кахновіч  “Бабулін дом”.

Праект пра дом, у якім калісьці жыла мая сям’я і дзе прайшло наша дзяцінства. Гэта быў вясковы маленькі домік блакітнага колеру. Колеру бясконцага летняга неба, якім, быўшы дзецьмі, мы любаваліся, лежачы ў духмянай траве. На яго месцы зараз расце горад. І гэты дом застаўся жыць толькі ў нашых успамінах. Што было на самай справе? Што памяць пачала дадумваць за нас? Дом з году ў год пакрываецца снегам забыцця.

Будзе па-зімоваму хораша! 

 

2
Лют

2017

Беларусь-Украіна. Cуседзі-сябры ў беларускай гісторыі

Мова Нанова9 лютага а 18:3 ў Беларускім Доме адбудзецца чарговая сустрэча курсаў беларускай мовы Мова Нанова.

Вечар будзе прысвечаны беларуска-украінскаму сяброўству.

Госць Анатоль Гваздзецкі, пераможца Міжнароднага фестывалю (OPPA) бардаў у Варшаве.

Тры галоўныя тэмы нашай сустрэчы – суседзі, вайна і паэзія.

Запрашаем усіх!

10
Сту

2017

Вернісаж фота праекта Касі Даргель

Kasia Dargiel27 студзеня а 18:00 адбудзецца вернісаж фота выставы фатографа Касі Даргель. 

Беларусь – геаграфічна блізкая да Польшчы, палітычна, культурна і цывілізацыйна гэта ў дадзены момант іншы сьвет. Хутка пасьля атрыманьня ў 1991 незалежнасьці, разам з выйгранымі Аляксандрам Лукашэнкам першымі прэзыдэнцкімі выбарамі, краіна вярнулася да савецкіх сымбаляў і рыторыкі. Праз зьнешнюю граніцу ЭЗ у Польшчу прыязджае шмат беларусаў. Адныя шукаюць свабоды – у Польшчы хаваюцца ад перасьледу; іншыя выбіраюць Польшчу праз гаспадарчыя прычыны. Частка застаецца тут пасьля навучаньня ва ўнівэрсытэтах, некаторыя скарысталіся праграмай Каліноўскага, прызначанай для студэнтаў, рэпрэсаваных за палітыку. Частка раствараецца ў польскім грамадзтве – іншыя падкрэсьліваюць сваю беларускую тоеснасьць.

Мае здымкі прадстаўляюць асобы, каторыя моцна зьвязаны са сваёй краінай, Беларусьсю, якія дбаюць пра беларускую культуру, мову, якія ўдзельнічаюць у праектах, што падтрымліваюць свабоду на Беларусі – Ініцыятыва “Вольная Беларусь, Беларускі Дом у Варшаве – або працуюць на тэлеканале “Белсат”.
Партрэты створаны ў іхніх варшаўскіх прытулках, часьцей за ўсё арэндаваных, асобных пакоях, часам кватэрах. Дзякуючы іх адкрытасьці і сардэчнасьці я пазнала іншую Беларусь – вольную, эўрапейскую, якая пры гэтым вяртаецца да сваіх каранёў пасьля панурай эпохі савецкай дыктатуры; Беларусь, поўную энэргіі, каторая мае надзею на зьмены.
Ці будзе калісьці Беларусь вольнай?

Шчыра запрашаем

30
Ліс

2016

Даследванне пра выгады, выклікі і перспектывы Дамовы аб Малым памежным руху

Прапануем вашай увазе даследванне Андрэя Елісеева – аналітыка EAST (Eurasian States in Transition), якое было зроблена для Беларускага Дома. На 11 старонках прадстаўлены аналіз сітуацыі якая склалася з увядзеннем Дамовы аб Малым памежным руху паміж Польшчай і Беларуссю.


чытаць