9 снежня ў Беларускім доме ў Варшаве прайшоў адбор на Кубак свету па спартовай версіі “Сваёй гульні”.
Турнір складаецца з двух этапаў – рэгіянальнага адбору і анлайн-этапа ў Skype. 16 варшаўскіх інтэлектуалаў падзялілі на 4 групы, з якіх двое пераможцаў выходзілі ў паўфінал. Такая ж схема дзейнічала ў ½ фінала. У кожным туры спаборніцтваў удзельнікам прапаноўвалася адказаць на 60 пытанняў. У выніку ў фінале з сур’ёзным адрывам перамог былы чэмпіён Азербайджана па Што?Дзе?Калі? Тэймур Аліеў. Ён і прадставіць Варшаву на Кубку свету па “Сваёй гульні”, які пройдзе ў анлайн-фармаце.
