29 cтудзеня ў Беларускім Доме, адбудзецца сустрэча з Алегам Дашкевічам, рэжысёрам-дакументалістам, аўтарам цыклу дакументальных міні-фільмаў “Хроніка суднага часу” пра палітычных зняволенных ў Беларусі; блогерам сайта svaboda.org, аўтарам нашумелага відэаблогу “Мовай па печані”.
У праграме сустрэчы — дэманстрацыя дакумэнтальнага фільма “Маналогі”, прагляд відэаблогу “Мовай па печані” і абмеркаванне такой сацыяльнай з’явы, як відэаблог.
Алег Дашкевіч:
Нарадзіўся ў Менску. Скончыў Беларускі інстытут фізкультуры і тэлевізійныя курсы “Internews Network”.
Займаецца дакумэнталістыкай з 2000 году.
Супрацоўнічаў ў часе вытворчасці дакумэнтальных фільмаў і тэлепраграм з тэлеканаламі і вяшчальнымі сеткамі ЗША — Інтэрньюс Нетўорк; Брытаніі — ВВС; Няметчыны — МДР, АРД; Гішпаніі — Chelomulticanal, Польшчы — Belsat, Літвы — 2 нацыянальны канал; Латвіі — Студыя Юрыса Подніекса,
У 2010 заснаваў Асацыяцыю “BelFilm”, якая свае асноўныя мэты бачыць у прасоўванні і прапагандзе дакумэнтальнага відэакантэнта ва ўсіх ягоных формах і іпастасях.