15 снежня ў Беларускім Доме адбылася прэзентацыя дапаможніка “Абаронім мову!”. Аўтары дапаможніка Аліна Нагорная і Ігар Случак прадставілі праблемы звязаную з выкарыстаннем беларускай мовы ў паўсядзённым жыцці. Вельмі часта ў дзяржаўных установах няма інфармацыі на беларускай мове, у крамах і іншых пунктах абслугоўвання адмаўляюцца адказваць па-беларуску і часта патрабуюць “адказваць нармальнай мовай”. У сваёй кнізе аўтары сабралі інформацыю, як кожнаму з нас бараніць права на дзяржаўную мову. Кніга складаецца з двух частак. Першая частка – парады, інструкцыі і прыклады. Другая частка – карысныя вытрымкі з заканадаўства.
Падчас сваёй прэзентацыі аўтары распавялі пра гісторыі стварэння кнігі і цяжкасці, з якімі давялося сутыкнуцца. Госці прэзентацыі мелі магчымасць расказаць пра свае праблемы выкарыстання беларускай мовы і задаць пытанні аўтарам. Кожны госць атрымаў у падарунак дапаможнік і паштоўку. Прэзентацыя дапаможніка “Абаронім мову!” стала выдатнай ідэяй правядзення суботняга вечара ў прыемнай кампаніі.
Лізавета Кочман для “Беларускага Дома”