Цудоўныя навіны! Мы запрашаем вас прыняць удзел у нашым новым міжнародным моладзевым праэкце ў рамах праграмы Erasmus+ на тэму прапаганды і маніпуляцыі ў СМІ.
Медыяпісьменнасць з’яўляецца важнай тэмай у адукацыі моладзі. Людзі павінны быць у стане ацаніць паўсюдную пагрозу фальшывых навін, кібер-моббінгу, радыкалізацыі, пагрозу кібербяспекі. Медыяпісьменнасць цесна звязана са здольнасцю думаць крытычна і незалежна, супрацьстаяць экстрэмісцкім паведамленням, а таксама ўмець аналізаваць свае дзеянні. Моцная дэмакратыя заснавана на высакаякасных навінах і інфармацыі з незалежных СМІ, плюралістычным клімаце меркаванняў і здольнасці дамоўляцца паміж сабой.
Праэкт: «Information vs. Manipulation»
Калі: 16-24 лютага 2020 (9 дзён)
Дзе: вёска на Падляшшы недалёка ад беларускай мяжы (Польшча)
Апроч удзельнікаў з Польшчы ў праекце бярэ удзел моладзь з Літвы, Латвіі, Украіны і Беларусі.
Мова: Моладзевы абмен будзе рэалізоўвацца на расійскай мове.
Задачы праекта:
• развіццё ў удзельнікаў навыкаў крытычнага мышлення;
• распрацоўка навыкаў абароны сябе і іншых ад мэтанакіраваных маніпуляцый, дэзінфармацыі ў СМІ;
• прадастаўленне маладым людзям неабходных навыкаў для эфектыўнага выкарыстання інфармацыі і інтэрнэту ў грамадскім жыцці.
Патрабаванні да кандыдатаў:
– узрост удзельнікаў – 18-30 гадоў.
– цікавасць да медыяў, журналістыкі;
– пражыванне ў Польшчы
Умовы ўдзелу:
Выдаткі на дарогу, пражыванне і харчаванне аплочваюцца арганізатарам. Удзельнікам неабходна будзе аплаціць удзел у экскурсіі ў рамках праэкту.
Як падацца:
Запоўніць анкету да 21 студзеня. Мы паінфармуем толькі адабраных кандыдатаў – сачыце за навінамі на нашых старонках у сацыяльных сетках.
Пытанні можна дасылаць на адрас info@belaruskidom.eu