У адказ на злачынствы лукашэнкаўскага рэпрэсійнага апарату ад жніўня Беларускі Дом заангажаваны ў арганізацыю медыцынскай, псіхалагічнай, юрыдычнай, фінансавай і рэабілітацыйнай падтрымкі пацярпелым пад час мірных пратэстаў беларусам.
Па стану на сённяшні дзень толькі на рэабілітацыю беларускіх грамадзян у польскім курортным горадзе Duszniki-Zdrój мы выдаткавалі 163 547 польскіх злотых і 66 грошай.
Дадаткова мы ўжо 2 месяцы лабіруем прыняццё зменаў у польскае заканадаўства аб магчымасці легальнай працы беларусаў па ўсім відам візаў, распрацавалі дакумент аб гуманітарнай візе і магчымасцях якія яна прадстаўляе, арганізавалі 2 вэбінара па юрыдычных пытаннях якія цікавяць беларускую дыяспару у Польшчы, а таксама арганізавалі бясплатныя курсы польскай мовы для беларусаў якія вядзе кваліфікаваная выкладчыца Варшаўскага Універсітэта. У апошнія дні мы перавезлі з Беларусі ва Украіну і Польшчу некалькіх асобаў, якім пагражаў крымінальны пераслед. Будзем і далей працягваць дапамагаць усім тым свабодным беларусам, які кінулі выклік архаічнаму аўтарытарнаму рэжыму рызыкуючы сваёй свабодай, здароўем і жыццём.
У працяг гэтага, Беларускі Дом быў суарганізатарам двух самых вялікіх у гісторыі Польшчы канцэртаў Салідарнасці з Беларуссю ў Варшаве і Беластоку, мы дапамагаем працы Каардынацыйнай Радзе дэмакратычных сіл Беларусі і падтрымліваем працу самага найбуйнешага СМІ Беларусі – канала NEXTA. Гісторыя працягваецца. Жыве Беларусь!