На працягу многіх гадоў Фонд польска-германскага супрацоўніцтва будуе масты паміж грамадзянскімі супольнасцямі Польшчы, Германіі і краін Усходняга партнёрства. Улічваючы апошнія падзеі ў Беларусі, гэтая роля набывае ўсё большае значэнне. Гледзячы з надзеяй на ўзрушэнне беларускага грамадства, Фонд польска-нямецкага супрацоўніцтва аб’яўляе грантавы конкурс пад назвай “RAZAM-RAZEM-ZUZAM”. Ён павінен даць магчымасць прадстаўнікам грамадзянскай супольнасці з Польшчы і Германіі рэалізоўваць сумесныя праекты больш простым шляхам фінансавання з мэтай збліжэння і ў знак салідарнасці з Беларуссю.
На 2021 год прыпадае дзве круглыя юбілеі даты: 30-годдзе польска-германскага дагавора “Пра добраахвотнае і сяброўскае супрацоўніцтва” (17 чэрвеня 1991 г.) і 30-годдзе абвяшчэння дзяржаўнага суверэнітэту Беларусі (25 жніўня 1991 г.) даюць нагоду мабілізаваць патэнцыял польскага і нямецкага грамадства і адрадзіць ініцыятыву ЕС Усходняе Партнёрства для Беларусі.
Крытэрыі падтрымкі
ХТО?
Конкурс накіраваны на польскія і нямецкія арганізацыі грамадзянскай супольнасці, якія разам з беларускім партнёрам з Беларусі альбо ў выгнанні маюць намер рэалізаваць праект салідарнасці з Беларуссю.
ШТО?
Сумесныя ініцыятывы грамадзянскай супольнасці з Польшчы і Германіі, якія:
- падтрымліваюць працэс дэмакратычных пераўтварэнняў у Беларусі шляхам дыялогу, абмену досведам і перадачы ведаў грамадзянскай супольнасці
- умацоўваюць структуры грамадзянскай супольнасці ў Беларусі шляхам стварэння сетак з партнёрскімі арганізацыямі ў Польшчы і Германіі, развіцця кантактаў паміж людзьмі і пашырэння новых трохбаковых фарматаў супрацоўніцтва
- падтрымліваць цікавасць да краіны суседа ў шырокай грамадскасці Польшчы і Германіі
- змяняюць стэрэатыпнае ўспрыманне Беларусі як “апошняй дыктатуры Еўропы”, паказаўшы рэальны і разнастайны выглядкраіны
- звяртаюць увагу на асаблівасці гісторыі і геаграфічнага становішча Беларусі паміж ЕС і Расіяй.
Будуць падтрыманыя трохбаковыя праекты з удзелам беларускай партнёрскай арганізацыі альбо актыўныя беларускія арганізацыі, якія працуюць у Польшчы/ Германіі/ іншых краінах (напрыклад, у Літве). У кожным выпадку неабходны ўдзел беларускага боку. З-за асаблівай ролі жанчын у пратэстах у Беларусі будуць актыўна падтрымлівацца праекты, якія тычацца гэтай мэтавай групы і праблемы роўнасці. Акрамя таго, будуць вітацца праекты, якія арыентуюцца на польска-беларускую памежную зону.
Форма праектаў
Падтрымка ахоплівае розныя фарматы праектаў: як сустрэчы, так і мерапрыемствы он-лайн. У сувязі з непрадказальным развіццём пандэміі Covid-19 мы арыентуемся на лічбавыя і / або гібрыдныя фарматы праектаў, якія выкарыстоўваюць Інтэрнэт як віртуальную прастору для дыялогу, сустрэч і прэзентацый.
Фінансаванне
Праекты могуць атрымаць фінансаванне ў памеры 30 000 злотых / 6700 еўра. Суфінансаванне можа складаць да 80% агульных выдаткаў на праект. Сродкі будуць выплачаны двума часткамі: 80% у пачатку і 20% пасля падачы канчатковай справаздачы праекта. Праекты, якія будуць падтрыманыя, павінны быць належным чынам разлічаны на працягу месяца з моманту іх завяршэння, але не пазней, чым да 07/12/2021.
Калі?
Тэрмін падачы заявак: 15.03.2021 – 31.10.2021
Час для рэалізацыі праекта: 15.04.2021 – 30.112021
Як?
Заяўкі могуць быць пададзены на працягу ўсяго гэтага перыяду, не пазней чым за 4 тыдні да даты пачатку праекта. Заяўкі падаюцца ў спецыяльнай он-лайн сістэме.
https://fwpn.org.pl/wnioski/jak-zlozyc-wniosek- Адзначце ў полі “Назва праекта”, што заяўка падаецца ў рамках праграмы “RAZAM-RAZEM-ZUZAM“.
Партнёры па праекце
Калі для рэалізацыі вашых праектаў вам патрэбна падтрымка ў пошуку партнёраў з Польшчы, Германіі альбо кантакты з беларускімі прадстаўнікамі грамадзянскай супольнасці, мы будзем рады дапамагчы. З гэтай мэтай звяжыцеся з Каралінай Фурманн (karolina.fuhrmann@sdpz.org) альбо Анетай Енджэйчак (aneta.jedrzejczak@sdpz.org).
Інфармаванне грамадскасці
Фінансаванаму праекту павінна быць забяспечана належная бачнасць, а яго вынікі павінны быць агульнадаступнымі. Бенефіцыяры абавязаны паведаміць, што праект падтрымліваецца Міністэрствам Замежных Спраў ФРГ у рамках праграмы “Падтрымка супрацоўніцтва з грамадзянскай супольнасцю ў краінах Усходняга партнёрства і Расіі“. Падрабязная інфармацыя пра спосаб інфармавання будзе ўключана ў „Oświadczenie o zobowiązaniach Dotacjobiorcy”.
Каментары
Савет FWPN прымае рашэнне аб размеркаванні сродкаў на аснове якасных крытэрыяў.
Калі сродкі скончацца да заканчэння заяўленага тэрміну падачы заявак, FWPN праінфармуе аб заканчэнні прыёму праектаў на сайце Фонду.
Іншую агульную інфармацыю і каментары па падачы заявак, рэалізацыі праектаў можна знайсці на сайце FWPN
Крыніца: Fundacja Współpracy Polsko-Niemieckiej