Беларускі Дом у Варшаве запусціў збор сродкаў пацярпелым і арыштаваным беларусам https://zrzutka.pl/uvhmut
Сродкі будуць накіраваныя на:
– Пацярпелых пратэстоўцаў, якія атрымалі раны, пабоі, якім патрэбна медычная дапамога, аперацыі, лячэнне, рэабілітацыя (нам будуць патрэбныя медычныя дакументы, магчыма фота ці відэа);
– Арыштаваным і іх сем’ям, якім патрэбна фінансавая дапамога (дакументы, якія пацвярджаюць арышт, фота);
– Журналістаў, міліцыянтаў, супрацоўнікаў АМАП, спецназ, вайсковых, якія адмовіліся выконваць загады і звольніліся;
– Супрацоўнікаў заводаў і іншых працаўнікоў, якія ўдзельнічаюць у страйках і патрабуюць фінансавую дапамогу (пацверджанні).
Мы збіраем інфармацыю ад усіх, каму патрэбна зараз дапамога. Просім дапамагчы ў распаўсюдзе інфармацыі пра гэтую анкету.