Шведская акадэмія абрала лаўрэатам Нобелеўскай прэміі па літаратуры 2015 года нашу беларускую пісьменніцу Святлану Алексіевіч. Урачыстая цэрымонія ўзнагароджання лаўрэатаў адбудзецца 10 снежня ў Стакгольме.
З гэтай нагоды запрашаем Вас у чацвер 10.12.2015 у 16:30 польскага часу ў Беларускі Дом (Warszawa, ul. Wiejska 13/3) на публічны прагляд ўручэння першай Нобелеўскай прэміі Беларусі!
Прыходзьце, запрашайце сяброў і знаёмых, бярыце з сабой віншавальныя паштоўкі, якія пазней будуць перададзеныя Святлане Алексіевіч. Ад Беларускага Дома гарантуем Вам святочны настрой, файную кампанію і невялічкі пачастунак.
Да сустрэчы ў чацвер у 16:30 на Wiejska 13/3 (каб трапіць у будынак, націсніце, калі ласка, на дамафоне 3 у абедзвух дзвярах).
Беларускі Дом